Kreu i Aleancës Kuqezi, Kreshnik Spahiu ka deklaruar largimin e tij nga politika, i ndjerë i zhgënjyer nga Basha pasi ky i fundit nuk e ka përfshirë në listat e PD-së, siç ka vepruar dhe me aleatë të tjerë nga partitë e vogla. Spahiu ishte ndër më të zellshmit e çadrës, që në fillimet e saj, por tani ndihet i braktisur nga ajo.
“Që nga ky moment japë dorëheqje nga politika”, tha Spahiu në “Zonë e Lirë”, duke shtuar se çadra ishte një kurth.
Kreshnik Spahiu pati një kurbë të çuditshme në politikë. Ai e nisi karrierën si jurist, duke drejtuar KQZ-në e ’96-ës; më pas u angazhua me organizata joqeveritare për të përfunduar deri dhe nënkryetar i KLD-së, Këshillit të Lartë të Drejtësisë, nën qeverisjen e Berishës. Në këtë detyrë, ai nisi të denonconte pajisjen e shtetasve në jug me dyshtetësi, ku denonconte shkeljet në rastet e marrjes të asaj greke.
Së këndejmi nisi të ndërtonte një kauzë nacionaliste, me theks antigrek, për të themeluar më pas Aleancën Kuqezi. Kjo e fundit iu kundërvu fort Berishës në muzgun e pushtetit të tij, rënia nisi qëkur Edi Rama nuk e përfshiu tek aleatët.
Më pas aksionet e AK-së dhe të kreut të saj morrën një drejtim sa të ashpër po aq dhe qesharak. Spahiu do “futej” në çadër që në orët e para të saj, me tendencë rifaktorizimin politik, por pa rezultat. Tashmë, nëse nuk e ka patur thjesht emocionale atë deklaratë, ai nuk do jetë më pjesë e politikës. Një fund pa nder, sigurisht.
Ai nuk la ndonjë standart në politikë, për aq sa veproi. Madje e bëri dhe më foklorike, duke ia shtuar plisin, lodrat e cylat, por dhe shqiponjën me duar në gjoks. /tesheshi.com/
