Deputeti demokrat, Ervin Salianji, ka denoncuar në sallën e Kuvendit me emra të gjithë ata që, sipas tij, janë përfshirë në proçesin e zgjedhjeve të mbajtura me 25 qershor, duke manipuluar votat
“Në më shumë se 20 qendra vonimi në Korçë nuk u zhvillua proçesi normal. Në disa prej tyre votimi nisi shumë me vonesë. Qytetarët e kërcënuar nuk dilnin në votime”, tha Salianji. Më poshtë mund të lexoni emrat e denoncuar prej deputetit demokrat, që renditej i dyti në listën e kandidatëve për deputet në qarkun e Korçës.
“Në Sheqeras kryetari i PS-Së person me precedent penal kërcënonte votuesit, Shkëlqim Nakroleci e ka emrin zotëria.
Në Norman, kryetari i komisionit të PS-së Bashkim Kreka kërcënonte votuesit nëse nuk votonin hapur.
Në Maliq Pranvera Bekolli, fuste duar në kuti. Ajo kërkonte që të shikonte nëse është votuar për PS-në apo jo. Sot është drejtoreshë kjo.
Në lagjet e Korçë dëshmuam se si shpërndanin para nëpër banesa:
Kliton Kita drejtor i taksave në Bashkinë e Korçës.
Në lagjen 5 Enver Shahinasi drejtor i INUK.
Në lagjen 15, Andi Sula, nga zyra vendore e regjistrimit të “Pasurive të Paluajtshme”.
Në lagjen 6 Solien Prifti drejtor në Bashki.
Në lagjen 6 dhe 7 Etrika Tollkuci drejtor i ISKSH.
Në lagjen 10, Fjoralba Vukatana, drejtore e Arkivës.
Po në lagjen 10, Erjon Qylemeni, drejtor i Shërbimit Pyjor”, tha Salianji. /tesheshi.com/
