Eros Grezda e ka bërë “kolpon” e tij tek skuadrat italiane, pas paraqitjes së shkëlqyer që ka bërë në ndeshjen mes Kombëtares së Shqipërisë dhe asaj të Italisë.
Sajti që i dedikohet cështjes së merkatos në vendin fqinj, “Tuttomercatoweb”, ka shkruar se janë disa skuadra italiane që po e shohin me interes 22-vjeçarin shqiptar.
Por ajo që “nuk ka më nevojë pët tu bindur”, është skuadra e Krotones, e cila ka kërkuar të dijë kushtet e lojtarit, për ta afruar në klub që në merkaton e janarit.
Grezda është vlerësuar si lojtar me shumë vlera, pasi çdo skuadër është në kërkim të një sulmuesi krahu me shpejtësinë e tij, për më tepër, që është edhe shumë i ri në moshë.
Grezda aktualisht luan me Osijekun në Kroaci, pas debutimit që bëri 2 vjet më parë me Lokomotivën e Zagrebit. Mbase sulmuesi i djathtë ka “ditur” ku të bjerë në sy, pasi menjëherë ka tërhequr interesin e skuadrave të Seria A. E në këtë rast, ato parapëlqejnë futbollistin Grezda, më shumë sesa emrin “tërheqës” të lojtarit. /tesheshi.com/
