Deputetja e partisë shqiptare në pushtet, BDI-së, Ermira Mehmeti në kuadër të intervistës për portalin tesheshi, ndër të tjerash ka folur edhe për të arriturat e koalicionit VMRO-BDI, gjegjësisht cila është ajo gjë që BDI jua thotë me krenari bashkëkombasve: “Këtë të mirë e keni prej nesh”?
Sigurisht që çdo bashkëpartiak tjetër i saj nuk do kishte marrë guximin ta thotë atë që Ermira Mehmeti e pranoi eksluzivisht për portalin tesheshi. Pra sipas saj kjo listë e të arriturave të BDI-së është aq e ngushtë, për të mos thënë inekzistente.
“Kam përshtypjen se kur pyetja parashtrohet në këtë mënyrë, lista duhet të jetë shumë e limituar për të mos thënë inekzistente. Megjithatë, nëse do të veçoja një projekt, siç e kërkoni, do të thosha pa dyshim se është universiteti “Nënë Tereza” në Shkup”, kështu është përgjigjur Ermira Mehmeti. /tesheshi.com/
