Ermira Mehmeti, deputetja shqiptare e BDI-së cilës iu publikua një bisedë e përgjuar mes saj dhe bashkëpartiakut, zëvëndëskryeministrit Musa Xhaferi, ka bërë daljen e parë publike, duke u shfaqur jo në parlamentin e Maqedonisë, por atë shqiptar, afro një muaj pasi iu morr erzi. Kjo për shkak se biseda mes tyre, kishte notat e një “Love Story”.
Dhe, duke folur në parlament, ajo u shkreh në lot duke thënë: “Jam angazhuar në politikë për vite dhe kam guxuar të flas hapur në politikë, por në fund duket se e pagova me një çmim jo vë të vogël, se më vendosën në bankën e të akuzuarit për të më thënë të gjitha të zezat. Askush nuk pyeti se si u bë i mundur gjithë ky përgjim i montuar. Unë akoma jam duke vuajtur traumën nga një goditje jo e vogël dhe kjo është paraqitja ime e parë publike pas asaj ngjarjeje. Ajo që më ngelet si pyetje është sesi fitohet një betejë e tillë”, ka thënë Mehmeti, teksa mori fjalën në Konferencën Rajonale të Aleancës së Grave Parlamentare në Tiranë.
