Kina njoftoi se ishte gati për të vendosur tarifa të reja për mallrat amerikane me vlerë rreth 60 miliardë dollarë, një përshkallëzim ky i konfliktit tregtar mes dy superfuqive.
Këshilltari ekonomik i Shtëpisë së Bardhë, Larry Kudlow reagoi menjëherë duke paralajmëruar se Kina “nuk duhet të nënvlerësojnë vendosmërinë e Presidentit Trump për të prezantuar masa të tjera”, një mënyrë për “të ndryshuar praktikat tregtare të Kinës.”
Ministria kineze e Tregtisë bëri të ditur se kundërmasat e mundshme për mallrat amerikane me vlerë gati 60 miliardë dollarë amerikanë vijnë si një reagim ndaj kërcënimit të fundit nga Shtëpinë e Bardhë për rritjen me 10 dhe 25 për qind të tarifave për importet nga Kina me vlerë 200 miliardë dollarë.
“Data e futjes së detyrimeve të reja doganore do të varet nga veprimet e Shteteve të Bashkuara”, shtoi Ministria e Tregtisë kineze në një deklaratë.
Më konkretisht, tarifat shtesë kineze që variojnë nga 5 deri në 25 për qind do përfshijnë 5,207 lloje të produkteve amerikane.
“Kina rezervon të drejtën për të adoptuar dhe kundërmasa të tjera”, shton Ministria e Tregtisë, duke paralajmëruar se “çdo kërcënim dhe shantazh i njëanshëm vetëm e thellon konfliktin dhe të dëmton interesat e të dy palëve.”
“Regjimi komunist nuk e ka mbyllur derën në negociatave të vazhdueshme, por vetëm dialogu i bazuar në respektin e ndërsjellë të barazisë dhe përfitimit reciprok janë mënyra për zgjidhjen e suksesshëm të mosmarrëveshjes tregtare”, u tha në deklaratën e Ministrisë kineze e Tregtisë. /tesheshi.com/
