Presidenti turk, Rexhep Tajjip Erdogan, nën shoqërinë e posaçme të kryeministrit shqiptar, Edi Rama, sapo ka përuruar urën e tretë mbi Bosfor.
Osmangazi Köprüsü, e përuruar këtë pasdite, ka patur si mysafir të veçantë kryeministrin e Shqipërisë, Edi Rama, i nderuar posaçërisht nga presidenti dhe kryeministri turk.
E quajtur Ura Osman Gazi për nder të themeluesit të Perandorisë Otomane, ajo është pjesë e një projekti gjigand, që do të përmbyllet plotësisht në vitin 2018.
I tërë projekti kushton nëntë miliardë dollarë, e është në kuadër të Vizionit 2023. E gjatë 2.682 metra, ura është e katërta në botë për nga madhësia në llojin e vet.
Edi Rama gjendet prej dy ditësh në një vizitë zyrtare në Turqi. Ai ka patur takime me krerët më të lartë të shtetit turk. /tesheshi.com/
