Presidenti turk Rexhep Tajip Erdogan tha të shtunën se ai është i vendosur ta bëjë Turqinë një qendër globale të prodhimit dhe teknologjisë.
Erdogan mori pjesë në ceremoninë e hapjes së qendrës teknologjike MESS në Stamboll, gjatë së cilës 40 fabrika të tjera në të gjithë Turqinë u hapën përmes video konferencës.
“Shpresojmë që me këtë qendër, e cila u realizua me një investim prej 200 milion lira (23 milion euro), ne do të hapim një epokë të re në fushën e teknologjisë konkurruese, ku do të jemi në gjendje të sigurojmë 400,000 orë arsim falas për 40,000 njerëz në vit,” tha Erdogan.
Ai theksoi se sapo efektet e epidemisë botërore të koronavirusit të zvogëlohen, Turqia do t’i kthehet përparimit të përshpejtuar.
“Turqia, e cila 18 vjet më parë nuk mund të ndërmerrte asnjë hap pa Fondin Monetar Ndërkombëtar (FMN), tani është vendi i 13-të në botë përsa i përket fuqisë blerëse. Edhe pse disa nuk e dëshirojnë këtë, ne jemi të vendosur ta shndërrojmë Turqinë, si qendra e tre kontinenteve, në një prodhues global dhe dhe një qendër teknologjike”, tha Erdogan.
Ai shtoi se fakti që vendi dikur fliste në kontekstin e krizës dhe paqëndrueshmërisë politike është aktualisht në skenë me kërkimet e tij sizmike në Mesdheun lindor, me zbulimet e tij të mëdha të gazit natyror në Detin e Zi, dhe se kjo është padyshim rezultat i durimit, përpjekjes dhe besimit. /tesheshi.com/
