Presidenti turk, Rexhep Tajjip Erdogan, bindi një burrë që po kryente një vetvrasje që të ndërronte mendjen, ndërsa po hidhej në urën e Bosforit.
Incidenti po ndodhte ndërsa eskorta presidenciale po kalonte urën, kur një burrë po përpiqej të hidhej nga ura.
Burri në depresion ndërroi mëndjen dhe kërkoi të fliste me presidentin turk. Erdogan foli me personin, i identifikuar si Vezir Ç, dhe i premtoi që do ta ndihmonte personalisht të zgjidhte problemet e tij.
Eskorta e Erdogan po kalonte urën e Bosforit pasi kishte falur xhumanë në një xhami në pjesën aziatike dhe po shkonte në zyrën presidenciale që ndodhet në zonën perëndimore të metropolit turk.
Në atë moment, eskorta ndaloi sapo presidenti dhe ata që kishte në makinë panë një burrë që po bëntë përpjekje të hidhej nga parmakët e saj.
E gjitha kjo tregohet nga një video televizive ku burri u suprizua kur pa presidentin personalisht që po i fliste nga makina e tij.
Duke e puthur presidentin, që është shenjë respekti në traditën turke, personi ndërroi mendjen për t’iu rikthyer jetës.
Më pas presidenti turk, në prani të burrit që donte të vetvritej, bëri disa telefonata për ta ndihmuar atë.
Erdogan njihet për mënyrën e tij komunikuese dhe pa protokoll me njerëzit dhe kjo e ka ndihmuar partinë e tij të ketë popullaritet sa më të madh.
Ai shpesh ndalon eskortën dhe flet me njerëzit që takon rrugës rastësisht dhe ashtu në atë mënyrë viziton familje të zakonshme.
Mediat turke theksojnë se Vezir Ç. Kishte ardhur nga qyteti Siirt, në lindje të Turqisë, nga ku është rritur edhe bashkëshortja e presidentit turk, Emine Erdogan, dhe ku kreu i shtetit turk është zgjedhur deputet në të shkuarën.
Marrë nga dailysabah.com- /tesheshi.com/
https://www.youtube.com/watch?v=eKPC9VIEr5M
