Presidenti turk, Rexhep Taip Erdogan, është shprehur sërish kundër 5 anëtarëve të përhershëm të Këshillit të Kombeve të Bashkuara, qëndrim që ai e mbron me arsyetimin se sot, realiteti botëror nuk është më i viteve kur u sanksionua kjo gjë, pas Luftës së Dytë Botërore, pra vetoja e tyre për çdo zhvillim në botë.
“Kundërshtimi ynë ndaj faktit se bota është më e madhe se pesë anëtarët e përhershëm të KS-OKB-së, përveç dimensionit të thirrjes për drejtësi, është gjithashtu një thirrje e qytetërimit”, tha Erdogan duke shtuar se “nuk mund të përcaktojnë ata fatin e botës”.
Kreu i shtetit turk kërkon një reformim të OKB-së, sigurisht dhe një ndryshim të përbërjes së Këshillit të Sigurimit, siç thotë ai, për t’iu përgjigjur realiteteve të reja globale, tek të cilat përfshin dhe të qënit faktor sot dhe të vendit të tij.
Komentet e Erdogan u bënë gjatë një fjalimi të mbajtur në Forumin e Civilizimeve në Universitetin “Ibn Haldun”, ku theksoi gjithashtu se Turqia po bën luftën më të madhe kundër organizatës terroriste ISIS.
“Ne jemi një shtet i cili zhvillon luftën më të madhe kundër ISIS -it. Paralelisht me këtë luftë, ne themi se ISIS-i nuk ka asgjë të përbashkët me Islamin. Këtë ne e përsërisim në çdo takim ndërkombëtar”, tha Erdogan. /tesheshi.com/
