Drama e ekonomisë turke vazhdon me një pikiatë e monedhës kombëtare pasi administrata amerikane njoftoi një rritje të tarifave të importit për aluminin dhe çelik nga Turqia.
“Marrëdhëniet tona me Turqinë nuk janë të mira në këtë kohë”, shkroi presidenti Trump të premten, dita kur lira turke humbi 19 përqind të vlerës.
Ky është një mloment mjaft delikat për Turqinë, prova e radhës në mbi 15 vite, se a do mund të sfidojë një komplot ndaj saj, kësaj here nga SHBA. Ndryshe mund të quhet dhe një “grusht shteti” nr. 2.
Presidenti turk Rexhep Tajip Erdogan paralajmëroi për fundin e partneritetit dhe kërcënoi të kërkonte një tjetër alternative në aleancat globale.
“Në qoftë se qeveria amerikane nuk respekton sovranitetin e Turqisë, partneriteti ynë mund të jetë në rrezik. Ne do të jemi të detyruar të kërkojmë miq dhe aleatë të rinj”, deklaroi Erdogan për New York Times.
Erdogan është në marrëdhëniet miqësore me Moskën, edhe pse Turqia është anëtare e Paktit të NATO-s, komentojnë mediat e ndryshme botërore.
Erdogan tha se sjellja amerikane ngjan me përjetimet pas Pearl Harbor-it dhe sulmet e 11 shtatorit.
Erdogan e cilësoi situatën si një “luftë ekonomike”, e cila duhet përballuar.
“Kjo është lufta jonë kombëtare. Ajo do të jetë përgjigja e kombit tonë për ata që janë kundër nesh dhe fillojnë luftë ekonomike. Prandaj, përgjigjet monedhën e tyre të brendshme. Të gjitha valutat, dollarë, euro, ar, të vijnë dhe të këmbehen me monedhën vendase. Pra, ne si një komb, mund t’u japim përgjigjen më të mirë”, tha Erdogan, duke shtuar se uniteti turk është arma më e mirë dhe më e madhe që mund t’i jepet Perëndimit, citon agjensia shtetërore Anadolia.
Kjo panoramë zhvillimesh, të çon në atë që ndodhi dy vjet më parë, kur një grusht shteti që siç u vu re ditë më pas pati dhe aleatë në Perëndim, u përballua me një frymë reagimi publik me nota të forta kombëtare. Ishte Erdogan ai që me anë të një mesazhi në celular, mundësuar nga CNN Turk, mobilizoi njerëzit të cilët dolën në rrugë dhe u përballën me puçistët. Të njëjtën gjë po përpiqet të bëjë dhe tani: dje me jetë, sot me para! /tesheshi.com/
