Presidenti turk Rexhep Tajip Erdogan dënoi të hënën veprimet e qeverisë izraelite dhe vlerësoi gratë palestineze për guximin dhe qëndrueshmërinë e tyre, raporton Anadolu.
“Qeveria e tërbuar Netanyahu po vret brutalisht dhjetëra gra, fëmijë, pleq dhe foshnje çdo ditë, si vrasës serialë që u pëlqen të vrasin,” tha Erdogan në Ankara gjatë një fjalimi në Ditën Ndërkombëtare për Eliminimin e Dhunës ndaj Grave.
Presidenti turk shprehu gjithashtu admirimin e tij për guximin e grave palestineze, duke theksuar forcën e tyre përballë dhunës dhe barbarisë.
“Përballë barbarizmit, gratë e nderuara të Palestinës dhanë shembull për të gjithë botën dhe për të gjitha gratë me qëndrimin e tyre fisnik që nuk u përkul para shtypësit”, tha Erdogan.
Erdogan riafirmoi angazhimin e Turqisë për të mbështetur gratë palestineze, duke thënë se “ne nuk do të hezitojmë të tregojmë reagimin tonë dhe të mbrojmë të drejtën tuaj më themelore për jetë, pavarësisht presionit nga lobi sionist”.
Ai tha se dhuna ndaj grave është tradhti e njerëzimit, dhe dhuna ndaj qenieve njerëzore, veçanërisht ndaj grave, është vandalizëm i papranueshëm.
“Kushdo që vë dorën mbi një grua ose kryen dhunë fizike apo psikologjike duhet të marrë dënimin e merituar, është detyrë parësore e shtetit”, theksoi presidenti turk Rexhep Tajip Erdogan. /tesheshi.com/
