Pos një sasie ndihmash nga Turqia drejt SHBA-së, Erdogan i ka përcjellë homologut Trump dhe një letër, duke e quajtur atë “mik të dashur”, edhe pse mes tyre ka patur jo pakmarrëdhënie të acaruara.
“Zotëri president, miku im i dashur”, janë fjalët me të cilat Erdogan nis letrën e tij, duke i shkruar se “populli amerikan do të jetë në gjendje për një kohë të shkurtër të lë pas këtë krizë, e cila na testoi të gjithë thellësisht, duke shfaqur urtësinë e nevojshme në këtë periudhë”.
“Në këtë periudhë mund të jeni të sigurtë se vendi im do të vazhdojë të demonstrojë të gjitha llojet e solidaritetit si një partner i besueshëm dhe i fuqishëm i SHBA-ve, si në plotësimin e nevojave themelore të kërkuara nga lufta kundër pandemisë, ashtu edhe në procesin e normalizimit”, vijon Erdogan në letrën e tij dërguar Trump-it.
President turk i kujton kreut të Uashingtonit se perudha pas pandemisë duhet të shërbejë për një thellim të raporteve mes dy vendeve.
“Nga mjedisi pozitiv i krijuar nga bashkëpunimi ynë i forcuar dhe diversifikuar falë pandemisë, mendoj se duhet të përfitojmë nga marrëdhëniet bilaterale turko-amerikane në çdo fushë dhe të realizojmë potencialin e vendeve tona në mënyrën më efektive, veçanërisht objektivin tonë tregtar prej 100 miliardë dollarësh”, theksoi presidenti turk. /tesheshi.com/
