Nëse SHBA refuzon të shesë avionë luftarakë F-35, Turqia kthehet kah opsionet e tjera. Ky eshte vendimi i presidentit turk Rexhep Tajip Erdogan.
“Nuk ua shisni Turqisë F-35? Mirë për ne, por keq për ju. Ne po marrim masat që të shohim për opsione të tjera,” tha Erdogan.
Vërejtjet e tij erdhën gjatë një takimi me krerët provincialë të Partisë për Drejtësi dhe Zhvillim (AK) në selinë e Ankarasë. Presidenti Donald Trump njoftohet se u tha senatorëve republikanë gjatë një takimi me dyer të mbyllura se ai nuk është në favor të zbatimit të ndëshkimeve ndaj Turqisë për blerjen e sistemit të raketave anti-ajrore S-400 të Rusisë.
Trump ka shprehur në mënyrë të përsëritur ngurrimin për të penalizuar Turqinë për blerjen e S-400. Megjithatë, javën e fundit Uashingtoni e hoqi Ankaranë nga programi F-35. Dëbimi i Turqisë parashikohet të përfundojë deri në fund të marsit 2020.
Administrata e Trump ka pohuar se S-400 mund ta ekspozojë raketat ndaj spiunimit të mundshëm rus dhe është i papajtueshëm me sistemet e NATO-s. Turqia, megjithatë e mohon, duke thënë se S-400 nuk do të integrohet në sistemet e NATO-s dhe nuk do të përbëj asnjë kërcënim për aleancën. /tesheshi.com/
