Presidenti turk Rexhep Tajjip Erdogan mbajti një fjalim eksentrik në kongresin e AKP-së, partisë së tij, ku u rizgjodh kryetar.
Fjalimi u mbisundua nga mesazhe të fuqishme, përcjellë për administratën amerikane, në këtë kohë kur SHBA kanë ndërmarrë një sërë sanksionesh për të dobësuar financat turke e futur ato dhe ekonominë në përgjithësi, në kolaps. Por Erdogan shprehu bindjen se Trump nuk do mund ta sfidojë dot. Përkundrazi.
“Ne e kemi kuptuar lojën tuaj, por nuk do mundeni të na sfidoni kurrë. Kurrë nuk do e përkulim qafën ndaj atyre që shfrytëzojnë botën për interesat e tyre”, tha Erdogan.
Kreu i shtetit turk tentoi ta mbajë të karrikuar atë që e konsideron aleatin më të madh në kohë të vështira, popullin, kur tha se “askush nuk luan dot vme këtë popull dhe këtë vend. Ne jemi një komb inteligjent që vazhdon me ritëm drejt objektivave që i ka caktuar vetes, me moton ‘o rrojmë, o vdesim’”, tha Erdogan.
Ai i mëshoi dhe aspektit fetar, kur tha se “ne jemi muslimanë, e ne kemi një zë të përbashkët dhe jemi ndërgjegjia e njerëzimit”. /tesheshi.com/
