Presidenti turk Rexhep Tajip Erdogan mirëpriti iftarin e parë në këtë Ramazan, muajin e agjërimit mysliman, së bashku me viktimat e tërmeteve shkatërruese.
Erdogan mori pjesë në një ceremoni për të filluar ndërtimin e ndërtesave të reja të banimit në rajonet jugore të goditura nga tërmeti, pas së cilës ai iu bashkua një iftari në një vendbanim kontejnerësh në provincën Kahramanmaras.
Presidenti turk me atë rast ka uruar të gjithë besimtarët myslimanë për ardhjen e muajit të Ramazanit.
“Le të jetë ky muaj i bekuar një bekim për vendin tonë, popullin tonë, të gjithë myslimanët dhe mbarë njerëzimin”, tha Erdogan.
Ai theksoi se vlerat që përfaqëson muaji i Ramazanit i nevojiten njerëzve më shumë se kurrë më parë.
Ramazani, muaji i bashkëpunimit dhe i miqësisë, duhet kaluar në mënyrën më të mirë të mundshme”, tha ai.
Ai theksoi se askush nuk mund të qëndrojë indiferent ndaj tërmeteve shkatërruese në Turqi, një fatkeqësi që preku 14 milionë njerëz.
“Është përgjegjësia jonë dhe detyra vëllazërore të bëjmë gjithçka që viktimat e tërmetit të dinë dhe të ndjejnë se nuk janë vetëm”.
Dy tërmete shkatërruese me magnitudë 7.7 dhe 7.6 ballë të shkallës Rihter goditën pjesët jugore të Turqisë më 6 shkurt me epiqendër në Kahramanmaras.
Numri i të vdekurve nga tërmetet shkatërruese që goditën Turqinë jugore muajin e kaluar ka arritur në 50,096.
Më shumë se 13.5 milionë njerëz në Turqi u prekën nga tërmetet shkatërruese, ashtu si edhe shumë të tjerë në Sirinë veriore. /tesheshi.com/
