Presidenti turk Rexhep Tajip Erdogan tha se vendet evropiane ia detyrojnë Turqisë mirëqenien dhe paqen e tyre aktuale, pasi kjo e fundit ka strehuar katër milionë refugjatë.
Duke folur në një ceremoni në Stamboll, Erdogan theksoi se Turqia gjithsesi nuk mori mbështetje të mjaftueshme në përpjekjet e saj për të vendosur paqen në Siri.
Ai gjithashtu theksoi se vendi i tij nuk do të lejojë asnjë kërcënim për Turqinë në emër të Sirisë.
Erdogan shtoi se Turqia gjithsesi do të vazhdojë luftën derisa Siria të jetë nën kontroll, siç tha ai, nga pronari i saj i vërtetë, populli sirian.
Ai gjithashtu theksoi se çdo lëvizje ekonomike dhe politike kundër pavarësisë së Turqisë ishte e dënuar të dështonte.
Avokati i Popullit në Turqi, Seref Malkoc tha në fund të vitit të kaluar se vendi ka ndihmuar imigrantët nga Siria prej vitesh.
“Turqia në këtë drejtim ruan dinjitetin e botës dhe në njëfarë mënyre përfaqëson ndërgjegjen e njerëzimit”, tha ai.
Ai vuri në dukje se Turqia për refugjatët nga Siria dhe Iraku është një port i sigurt, duke kujtuar se aktualisht ka rreth 3.5 milionë refugjatë sirianë në vendin e tij, duke shtuar se ata ishin në Turqi i kishin të siguruar të drejtat themelore, siç janë shëndetësia dhe arsimi.
“Kostoja që paguan Turqia për refugjatët nga Siria arriti në 30 miliardë dollarë. Pse e bëjmë? Për shkak se ajo vepron në emër të njerëzimit. Turqia në këtë mënyrë paraqet krenarinë e njerëzimit”, theksoi avokati. /tesheshi.com/
