Presidenti turk, Recep Tayyip Erdogan deklaroi se Turqia e ka për detyrë mposhtjen e ISIS në Sirinë fqinje. Ai apeloi për një “detyrë të pashmangshme” në mënyrë që militantët të mos jenë në gjendje të ndërmarrin veprime brenda territorit të Turqisë.
Ushtria turke tha se avionët e saj ushtarakë vranë 20 militantë gjatë sulmeve ajrore mbi Siri të shtunën.
Ndërkaq, Erdogan në një deklaratë theksoi se operacioni ushtarak turke në Siri, njohur si Operacioni Eufrat, ishte vetëm hapi i parë në luftën kundër DAESH, si njihet në Turqi grupi ekstremist.
“Është detyra e popullit tonë t’i japim fund Daesh-it në Siri dhe t’i reduktojmë ata në nivelin që të mos mundin të ndërmarrin sulme në territorin tonë”, tha ai.
Në të njëjtën deklaratë, Erdogan vuri në dukje se Turqia është, gjithashtu, e vendosur të mposhtë partinë e jashtëligjshme të Punëtorëve të Kurdistanit dhe grupin Feto, të klerikut me seli në Shtetet e Bashkuara, Fethullah Gulen. /tesheshi.com/
