Presidenti turk, Recep Tayyip Erdoğan dhe kancelarja gjermane, Angela Merkel kanë diskutuar të enjten lidhje me ofensivën e fundit në Halep nga ana e regjimit të Asadit, si dhe për rolin e Rusisë në konflikt.
Ata janë pajtuar në qëndrimin se kjo ofensivë i ka përkeqësuar edhe më shumë vuajtjet e popullatës civile”, sipas një deklarate të lëshuar nga zyra e Merkelit.
Rusia ka një përgjegjësi të veçantë për të shmangur dhunën dhe që t’i jap shans politik procesit politik në Siri”, i ka thënë Merkel Erdoganit.
Rusia tha të enjtën se do të vazhdojë fushatën e saj ajrore në Siri, edhe përkundër paralajmërimeve nga sekretarit John Kerry se Uashingtoni do të tërhiqet nga bisedimet derisa Rusia të mos ndalë bombardimet në qytetin e rrethuar.
Forcat e regjimit sirian të mbështetura nga sulmet e forcave ajrore ruse kanë përtëritur sulmet në gjysmën lindore të Halepit të kontrolluar nga forcat kryengritëse, pas ndërprerjes së marrëveshjes së armëpushimit të ndërmjetësuar nga SHBA dhe Rusia.
Sekretari i Përgjithshëm i OKB-sëm Ban Ki-Moon i ka quajtur bombardimet të cilat kanë goditur dy spitalet në zonën lindore të kontrolluar nga forcat opozitare të Halepit si “krime lufte”.
“Shkeljet e përsëritura flagrante kundër të drejtës humanitare ndërkombëtare që janë raportuar janë të papranueshme. Një armëpushim është më urgjent se kurrë”, kanë rënë dakord Merkel dhe Erdogan gjatë bisedës së tyre. /tesheshi.com/
