Presidenti turk Rexhep Tajip Erdogan ka konfirmuar se 18,000 refugjatë dhe migrantë janë zhvendosur nga vendi i tij në Evropë qëkur Turqia hapi kufijtë e saj drejt vendeve evropiane, thanë agjensitë.
Çfarë bëmë dje? Hapëm derën. Ne nuk do ta mbyllim atë derë … Pse? Sepse Bashkimi Evropian duhet të përmbushë premtimet e tij”, tha Erdogan.
Duke iu drejtuar ligjvënësve nga Partia e tij për Drejtësi dhe Zhvillim (AKP) në Stamboll, Erdogan tha se i kishte kërkuar homologut rus Vladimir Putin që Rusia të tërhiqet dhe ta lejojë Turqinë të trajtojë qeverinë siriane më vete.
“Unë i thashë Putinit: ‘Çfarë po kërkon atje? Nëse do të instaloni një bazë ushtarake, veproni atëherë, por dhe na lini të merremi me regjimin.”
Anadoly citoi liderin turk të thoshte se 36 ushtarë turq ishin vrarë që nga fillimi i operacionit në provincën veriperëndimore të Sirisë, Idlib, dhe premtoi se “gjaku i tyre nuk do të mbetet u shpaguar”.
“Më shumë se 2.100 anëtarë të regjimit janë vrarë deri më tani dhe gati 300 automjete janë shkatërruar,” tha Erdogan.
Ai vuri në dukje se Turqia në Siri nuk po vepronte me ftesën e Presidentit Bashar al-Asad, por me ftesën e popullit sirian.
“Ne nuk kemi ndërmend të tërhiqemi derisa populli sirian të thotë se marrëveshja ka mbaruar”, tha Erdogan, duke shtuar se “Turqia nuk ka pretendime për naftë”.
“Siria nuk ka qenë kurrë një aventurë për Turqinë ose një përpjekje për zgjerim territori. Na vjen keq që ka shumë që nuk e kuptojnë luftën e vendit tonë në Siri, qoftë politikanë, media apo platforma të ndryshme”.
Erdogan tha se “në periudhën e fundit, vëmendje e veçantë i është kushtuar dialogut me të gjitha forcat aktive në rajon”. /tesheshi.com/
