Në fjalimin e tij para krerëve të shteteve dhe përfaqësuesve nga vendet me shumicë muslimane të mbajtur të dielën, Presidenti turk Rexhep Tajip Erdogan u bëri thirrje muslimanëve në mbarë botën që të bashkohen kundër një sërë krizash dhe sfidash rajonale.
Duke folur në Samitin e Shkencës dhe Teknologjisë të Organizatës për Bashkëpunim Islamik (OIC) të mbajtur në kryeqytetin e Kazakistanit Astana, Erdogan tha filliomisht se vendet muslimane duhet të punojnë së bashku për t’i dhënë fund vuajtjeve të bashkëfetarëve të tyre Rohingya në Myanmar.
Që nga 25 gushti, më shumë se 300 mijë pjesëtarë të këtij komuniteti kanë ikur në Bangladesh, për t’i shpëtuar dhunës dhe represionit nga ana e ushtrisë në shtetin veriperëndimor Rakhine. Qindra besohet të jenë vrarë dhe mijëra të tjerë janë plagosur, ndërsa fshatrat Rohingya dhe vendbanimet janë djegur e rrafshuar për tokë.
“Ne duam të punojmë së bashku me qeveritë e Myanmar-it dhe Bangladeshit për ta tejkaluar krizën humanitare të vazhdueshme në rajon. Ne ia kemi përcjellë autoriteteve Bangladeshi, ofertën tonë për ndihmë në lehtësimin e nevojshëm të gjendjes së muslimanëve që kanë ikur në territorin e tyre për të shpëtuar nga represioni dhe vrasjet”, tha Erdogan.
Presidenti shtoi se organizatat ndërkombëtare, e në veçanti vendet muslimane, duhet të luftojnë së bashku me të gjitha mjetet e mundshme për t’i dhënë fund kësaj mizorie.
Erdogan preku edhe fërkimet e vazhdueshëm midis vendeve të Gjirit dhe tensionet në Jerusalem.
“Ajo për çfarë ka nevojë bota muslimane në këtë periudhë nuk është përçarja, por uniteti dhe solidariteti. Kriza në rajonin e Gjirit të Ballkanit na ka tronditur thellë, ne duam që kriza në vendet e Gjirit të zgjidhet sa më shpejt që të jetë e mundur. Ne nuk duhet të lejojmë çfarëdo dhune ndaj shenjtërisë së Jeruzalemit dhe Harun al-Sharif-it. Ne duhet të mbajmë një qëndrim shumë më të vendosur për të parandaluar çfarëdo provokimesh”, tha kreu i shtetit turk, i cili ëshët angazhaur së fundi për një unitet mes muslimanëve kudo në botë. /tesheshi.com/
