Kishim dëgjuar deri më tani për shqiptarë që përçahen nga të huaj, gjegjësisht serbët; por assesi për të kundërtën. Kështu, bëhet me dije se në Beograd po mbahet një takim mes krymnistrit Aleksandër Vuçiç dhe përfaqsuesve të Listës Serbe në Kosovë, me qëllim bashkimin e këtyre të fundit pas një sërë mosmarrëveshjesh.
Klan Kosova citon Vuçiçin të ketë premtuar “për t’i dhënë fund kësaj historie”, pra përçarjes mes aktorëve serbë në politikën kosovare, të integruar tek Lista.
“Disa njerëz i kanë dhënë vetes të drejtën për të bërë diçka që është kundër interesave të Republikës së Serbisë”, pohoi Vuçiç, duke shtuar se “kjo histori do të marrë fund sot”.
Bëhet fjalë për treshen Branimir Stojanoviç, që është zëvendëskryeministër; Dalibor Jevtiç, gjithshtu ministër; si dhe të shkarkuarin si ministër, Ljubomir Mariç.
Pra, ky është i pari rast ku të huaj, gjegjësisht serbërt, ankohen se janë përçarë nga shqiptarët. /tesheshi.com/
