Një twitt provokativ ka qenë ai i Presidentit amerikan Donald Trump, i cili i bën thirrje Rusisë që të mos mbështesë Bashar al Asadin në krimet e tij pasi do të ndeshen me përgjigjen e fortë të Uashingtoni.
Trump u tall me deklaratën e Moskës sipas së cilës ata do të rrëzonin të gjitha raketat amerikane që do të drejtohen ndaj regjimit të Damaskut, i cili fajësohet si autori i sulmit me armë kimike në Douma.
“Rusia zotohet për të rrëzuar çdo raketë tonën. I them Rusisë të bëhet gati për raketat tona të bukura, të reja dhe inteligjene! Ju nuk duhet të jeni partnerë me një kafshë që vret njerëzit me gaz kimik”, shkroi Trump në Twitter.
Presidenti amerikan nga ana tjetër shtoi se “Marrëdhënia jonë me Rusinë është më e keqja që nga koha e Luftës së Ftohtë.
Besoj nuk ka arsye për këtë. Rusia ka nevojë që ne të ndihmojmë ekonominë e tyre, ndërsa ne kemi nevojë që të gjitha kombet të punojnë së bashku. Ndaloni garën e armëve!”
Burimet lokale dhe OJQ-të që punojnë në zonën e Doumas thanë se të paktën 70 vetë u vranë dhe dhjetëra të tjerë u plagosën në sulmet kimike të së shtunës nga forcat e regjimit të Asadit.
Douma ndodhet pranë kryeqytetit të Sirisë, Damask.
Turqia fqinje, SHBA, Britnia e Madhe, Franca dhe Gjermania kanë fajësuar regjimin e Asadit për sulmin i cili mohohet nga Rusia dhe nga qeveria siriane.
Në përgjigje të deklaratës së Trump, Zëdhënësja e Ministrisë së Jashtme ruse Maria Zakharova tha: “Raketat inteligjente duhet të fluturojnë drejt terroristëve, jo qeverive ligjore”.
Organizata Botërore e Shëndetësisë njoftoi se 500 pacientë sirianë janë trajtuar pas sulmit të së shtunës në qytetin e Doumës.
Ata treguan shenja të vuajtjes nga një sulm toksik kimik. /tesheshi.com/
