Sot, kryeministri i Maqedonisë dhe Greqisë, Zoran Zaev dhe Aleksis Cipras, do të dëgjohen në telefon që të diskutojnë për zhvillimin e procesit negociues për çështjen e emrit.
Bëhet fjalë për bisedën e shumëparalajmëruar mes tyre për finalizimin e marrëveshjes, i cili pritej që të ndodhte që para dhjetra ditëve.
Ashtu siç mëson “Makfax”, gjatë fundjavës, të dy vendet nëpërmjet këshilltarëve kanë biseduar për çështje të caktuara të cilat janë të hapura dhe kanë arritur zhvillim. Pala e Maqedonisë ofron “zgjidhje krative”, të cilët e mbrojnë identitetin dhe gjuhën e shtetit. Pas bisedimeve të këshilltarëve, kryeministri Zaev, shefi i diplomacisë, Nikolla Dimitrov dhe këshilltari Dane Taleski plotësisht janë konsultuar për qëndrim të unifikuar për çështjet të cilat ende janë të hapura.
Bisedën telefonike që do të realizohet sonte ka konfirmuar dhe kreu i diplomacisë së Athinës, Kotzias.
“Sot do të jetë biseda”, deklaroi shkurt ai për mediat greke pas daljes nga rezidenca kryeministrore. Në pyetjen për përmbajtjen e bisedës, Kotzias u përgjigj se atë duhet që ta tregojnë dy kryeministrat.
Komentet në Greqi janë se periudha kohore për bisedë telefonike po ngushtohet, duke e pasur parasysh që shefi i diplomacisë greke, më 13 dhe 14 qershor do të jetë në Moskë në takim me kolegun e tij rus, Sergej Llavrov, ndërkaq në të njëjtën periudhë, kryeministri Zoran Zaev do të udhëtojë për në Frankfurt. /tesheshi.com/
