Ministrja e njëherësh zv/kryeministrja Balluku, e ka konsideruar si racizëm faktin që opozita konteston kompaninë nga Emiratet që do investojë në Durrës, duke thënë se pse është zgjedhur ky vend e jo një nga Europa.
U nxorr sërish ky pretendim nga kreu i një prej dy gjysmave të PD-së, Enkelejd Alibeaj, në mbledhjen e Komisionit të Veprimtarive Prodhuese, ku kaloi për shqyrtim projekti 2 miliard euro i AMMAR Group.
“Al Abari e ka zbuluar Shqipërinë në 2007. Kanë pasur takime në atë kohë, por erdhën dhe ikën me vrap. Na thanë se ishte situatë e tmerrshme dhe nuk do të ktheheshin”, tha Balluku, referuar kohës kur qeveriste PD.
“Është si të pyesësh pse SHELL erdhi në Shqipëri”, vijoi ajo argumentin e saj.
“Racizëm se pse zgjodhëm Dubain. Por Brukseli nuk erdhi. ditën që duan të vijnë e hapim derën për ta. Nuk ka pasur interes për këtë projekt. Është racizëm që të themi pse pranuam ata nga Dubai”, ishte ajo çfarë tha nr, 2 i qeverisë në lidhje me pretendimet e opozitës. /tesheshi.com/
