Elon Musk iu drejtua punonjësve të Twitter-it për herë të parë dhe tha se kompania do të duhet të shkurtojë stafin. Ai gjithashtu ofroi disa detaje të reja në lidhje me planin e tij të marrjes së rrjetit prej 44 miliardë dollarësh.
CEO i Tesla-s, i cili është gjithashtu CEO i kompanisë raketore SpaceX, i tha stafit të Twitter-it se donte të rriste numrin e përdoruesve të shërbimit nga 229 milionë në të paktën 1 miliard njerëz dhe tha se reklamat do të mbeten të rëndësishme për kompaninë, pavarësisht se më herët kishte thënë se besonte se Twitter duhet të mos shfaq reklama, raporton Reuters.
“Unë mendoj se reklamimi është shumë i rëndësishëm për Twitter. Unë nuk jam kundër reklamave. Ndoshta do të flisja me reklamuesit dhe do të thoja, ‘hej, le të sigurohemi që reklamat të jenë sa më argëtuese të jetë e mundur’,” tha Musk.
Gjatë takimit, Musk nuk ofroi lajme për finalizimin e marrëveshjes së marrjes së Twitter-it. Ai përsëriti se është ende duke u përpjekur të mësojë më shumë rreth bots dhe llogarive spam në Twitter, të cilat ai e quajti shqetësimin e tij më të madh.
I pyetur nëse ai pret pushime nga puna, Musk tha se nevojitet “disi racionalizim i numrit të punonjësve dhe kostove”.
“Aktualisht kostot i kalojnë të ardhurat”, tha ai, duke shtuar se “kushdo që ka një kontribut të rëndësishëm, nuk duhet të ketë asgjë për t’u shqetësuar”.
Marrja e Twitter-it nga Musk ka hasur në skepticizëm dhe shqetësim të gjerë në mesin e punonjësve me bazë në San Francisko, disa prej të cilëve janë të shqetësuar se ai o të lehtësojë rregullat për përmbajtje të caktuara.
Miliarderi i tha stafit të Twitter-it se ai beson se përdoruesit duhet të lejohen të thonë “gjëra mjaft të padëgjuara” në faqe për sa kohë që përmbajtja nuk është e paligjshme. /tesheshi.com/
