Policia e Elbasanit arrestoi një 36-vjeçar, i cili kishte në posedim 2800 euro të falsifikuara.
Arrestimi është bërë këtë të shtunë, ndërsa shtetasi Reshat Zekthi është kapur në flagrancë, ende pa i futur në qarkullim paratë e falsifikuara.
Arrestimi i tij është bërë në një karburant të qytetit, teksa 36 vjeçari po furnizonte makinën e tij të tipit Toyota.
Gjithashtu policia ka nisur procedim penal dhe për dy shtetas të tjerë, të cilët ishin përfshirë në këtë veprimtari kriminale.
“Policia e Elbasanit, gjatë kontrollit të automjetit i gjeti dhe i sekuestroi 2800 Euro të dyshuara të falsifikuara
Gjithashtu ka nisur proçedimi penal në gjendje të lirë ndaj shtetasve B.H., 49 vjeç dhe K.V., 66 vjeç banues në Kuçovë. Këta shtetas dyshohen të jenë të implikuar në këtë veprimtari kriminale.
Materialet i kaluan Prokurorisë Pranë Gjykatës së Shkallës së Parë Elbasan për veprime të mëtejshme për veprën penale “Falsifikimi i monedhave, i kryer në bashkëpunim”, parashikuar nga neni 183/2 i Kodit Penal”, thuhet në njoftimin zyrtar të policisë. /tesheshi.com/
