Vijojnë të dalin detaje lidhur me rusët e kapur në ish-Uzinën Ushtarake të Gramshit, ku njëri prej tyre sulmoi me spraj kimik dy rojet shqiptare në një ballafaqim fizik.
Ata janë në paraburgimin e Elbasanit, duke pretenduar para hetuesve se janë thjesht turistë apo blogerë, pa pranuar të konsiderohen agjentë.
Thuhet se Mikhail Zorin, 23-vjeç, është shumë i prerë para hetuesve në përgjigje dhe këmbëngul se është turist.
Zorin është i arsimuar dhe ka ka kryer studimet e larta për kimi. Gjithashtu burime nga drejtoria e policisë Elbasan pohuan se 23-vjeçari kishte ditë i pa ngrënë dhe u ka kërkuar ushqim punonjësve të policisë.
Ai ka qenë dhe i gjakosur, për shkak se në tentativë ikjeje ka ngecur në shumë ferrishte në zonë.
Me të ishte dhe 33-vjeçarja Svetlana Timofeeva dhe 25-vjeçarin ukrainas Fiodor Mihailoviç, mbi të cilët rëndojnë akuzat për veprat penale: “Goditja për shkak të detyrës”, “Dhënia e informatave sekrete”, dhe “Sigurimi i informatave”, kryer në bashkëpunim. /tesheshi.com/
