Klasikja më e madhe e futbollit europian ka marrë garancinë e duhur nga organet e sigurisë spanjolle, se nuk do të ketë asnjë problem për zhvillimin e ndeshjes. Pavarësisht anulimit të disa ndeshjeve miqësore këtë mesjavë për shkak të rrezikut të ndonjë sulmi të mundshëm, dueli ndërmjet dy gjigantëve spanjoll, Real Madrid dhe Barcelona do zhvillohet në normalitet.
Për të ofruar siguri maksimale për tifozët do përkujdesen 1,500 efektivë, që do të rrethojnë impiantin Santiago Bernabeu brenda dhe jashtë saj.
Përgjatë hyrjes në stadium tifozët do të përjetojnë kontrolle të hollësishme të sigurisë, ndërkohë për çdo rast rreziku është vënë në dispozicion edhe alarmi i sigurisë.
Për t’i dalë në ndihmë efektivëve shtetëror, Real Madrid si mikpritës i ndeshjes, ka vënë në dispozicion edhe një numër të madh të sigurimit privat në mënyrë që të shmangen rradhët e gjata gjatë hyrjes për shkak të kontrolleve të rrepta të sigurisë.
Real Madrid dhe Barcelona do ndeshen të shtunën në tempullin e Santiago Bernabeu-t, me fillim nga ora 18:15.
/tesheshi.com/
