Ekspertët e OKB-së janë të shqetësuar për ekzekutimin e parë në Amerikë – nga hipoksia e azotit
Ekspertët e Kombeve të Bashkuara (OKB) shprehën shqetësimin për ekzekutimin e afërt të një të burgosuri në SHBA nga hipoksia e azotit, duke e quajtur atë “një metodë të paprovuar ekzekutimi që mund ta nënshtrojë atë ndaj trajtimit mizor, çnjerëzor ose poshtërues ose edhe tortura”.
Kenneth Eugene Smith, i cili u shpall fajtor për një vrasje me pagesë të kryer në vitin 1988, është planifikuar të ekzekutohet në shtetin e Alabamas më 25 janar duke përdorur një metodë në të cilën një person thith vetëm azot në vend të oksigjenit deri sa vdes.
Duke vënë në dukje se do të ishte “përpjekja e parë për ekzekutim nga hipoksia e azotit”, ekspertët thanë:
“Ne jemi të shqetësuar se hipoksia e azotit do të rezultonte në një vdekje të dhimbshme dhe poshtëruese.”
Ata paralajmëruan se ekzekutimet eksperimentale me mbytje ka të ngjarë të shkelin Konventën kundër Torturës, nënshkruese e së cilës është SHBA.
Ekspertët kanë shprehur keqardhje për vazhdimin e ekzekutimeve në SHBA.
Në nëntor 2022, autoritetet në Alabama u përpoqën të ekzekutonin Smithin me injeksion vdekjeprurës, por përpjekja dështoi.
Ekspertët e OKB-së u bënë thirrje autoriteteve federale dhe shtetërore në SHBA dhe Alabama që të ndalojnë ekzekutimin e Smith dhe të gjithë të tjerëve të planifikuar për t’u ekzekutuar në këtë mënyrë, në pritje të rishikimit të protokolleve të ekzekutimit. /tesheshi.com/
