Një shtetas 44 vjeç është ekstraduar nga Zvicra pasi ishte dënuar me 20 vjet burg për vrasje në tentativë.
Policia bëri të ditur ekstradimin nga Zvicra të shtetasit Arben Mlloja, i cili ishte dënuar me 20 vite burg për veprën penale të “vrasje në rrethana të tjera cilësuese e mbetur në tentative” dhe “prodhim dhe mbajtje pa leje të armëve luftarake e municioneve”.
“Ndalimi i këtij shtetasi u bë pasi Gjykata e Apelit Shkodër me vendim Nr. 355 datë 03.10.2013 , e ka dënuar me 20 vite burg për veprën penale të “vrasje në rrethana të tjera cilësuese e mbetur në tentative” dhe “prodhim dhe mbajtje pa leje të armëve luftarake e municioneve” parashikuar nga nenet 79/dh , 22 e 278/2 të Kodit Penal”, thuhet në njoftimin zyrtar. /tesheshi.com/
