Është ekstraduar sot në Itali mafiozi më i famshëm i N’dragheta-s kalabrese, i ashtuquajturi “Bosi i dy botëve”, Vincenzo Macri.
I arrestuar një vit më parë në Brazil, Macri konsiderohet si furnitori me shumicë i kokainës në Europë dhe besohet se ka qenë njeriu kyç që ka lidhur grupet shqiptare të trafikut me narcos-it e Kolumbisë dhe të Ekuadorit.
Vincenco arrit në pak vjet ta kthejë organizatën e tij në tregtuesën më të madhe të kokainës në Europë, duke lënë prapa mafian ruse.
Macri prej vitesh ishte në arrati dhe jetonte me identitet fals në Caracas të Venezuelës.
U kap në një aeroport të Brazilit, ku nuk i pinë ujë dokumentet e rreme në vitin e shkuar. Ai qëndroi një vit në Brazil dhe ka të dhëna që ka bashkëpunuar me policinë italiane dhe DEA-n.
Mediat italiane flasin për një ndihmë që ka dhënë Macri në disa operacione të rëndësishme të sekuestrimit të kokainës në disa vende të Europës. /tesheshi.com/
