Pas përfundimit të tubimit në Çair, anëtarët e kryesisë së Lëvizjes BESA, Zeqirija Ibrahimi, Afrim Gashi; kryetari i degës së Çairit, Bekim Sali si dhe aktivistë të tjerë të koalicionit “Rilindje me BESË” janë ftuar në një dhomë burrash në Gazi Babë të Çairit.
Kjo ka qenë edhe motivi që bartësi i Listës në zonën zgjedhore numër 2, Afrim Gashi të shpërndajë një fotografi në facebook ku ka shkruar se gjenden: “Në një odë “euro-aziatike” ne mes të Gazi Babës. Zoti e bekoftë zotin e shtëpisë, të gjithë të pranishmit dhe gjithë shqiptarët”.
Kjo ka qenë një formë ironike për të destruktuar akuzat e BDI-së në adresë të BESËS si një parti “euro-aziatike”. Ky term u përmend sefte nga Artan Grubi, një ndër figurat e BDI-së, i cili së fundi është përtallur nga oponioni për një sërë gjestesh dhe deklaratash qesharake.
Një ndër to, ishte pikërisht dhe cilësimi i BESËS si “euro-aziatike”, të cilën edhe pse e tha, nuk qe e mundur ta zbërthejë në terma historikë, socialë apo politikë se çfarë do të thotë. /tesheshi.com/
