“Në fillim do u marrim mendjen”, do deklaronte kryeministri Rama dy ditë më parë, referuar faktit se i ishte premtuar nga shumë shtete dërgimi i ekspertëve për vlerësimin e banesave. Dhe të parët që ia nisën punës në terren qenë ata zviceranë.
“Zvicra mbështet Shqipërinë jo vetëm në kohë të mira, por edhe në momente të vështira”, tha Sebastian Eugster, udhëheqës i ekipit të misionit zviceran dhe zv. kreu për ndihmën humanitare në Ministrinë e Jashtme të Zvicrës, pasuar nga ambasadori Adrian Maître, i cili shtoi se “duke parë seriozitetin e gjendjes, qeveri zvicerane zgjeroi përpjekjet duke sjellë misionin e parë me ekspertë, të cilët do të vlerësojnë nevojat, do të japin asistencë të menjëhershme dhe do të propozojnë masa afatgjata pas tërmetit”. /tesheshi.com/
