Pavarësisht nga përhapja e shpejtë e variantit Delta, ende nuk ka prova të mjaftueshme për të justifikuar kërkesën e rregullatorëve të gjigantit farmaceutik Pfizer Inc për të miratuar një dozë të tretë, shtesë të vaksinës COVID-19, thanë ekspertët.
Pfizer dhe partneri i saj gjerman BioNTech njoftuan javën e kaluar se ata do të kërkojnë nga rregullatorët evropianë dhe amerikanë për miratim për dozën e tretë të vaksinimit, e cila do të forconte imunitetin gjashtë muaj pas vaksinimit.
Prodhuesit nuk i kanë vënë ende të dhënat në dispozicion për të mbështetur një kërkesë të tillë, por kanë njoftuar se do ta bëjnë këtë së shpejti.
Një takim me zyrtarë federalë të shëndetësisë mbi këtë çështje është njoftuar të hënën, njoftoi Pfizer.
Disa nga ekspertët kryesorë të vaksinave kanë vënë në dyshim racionalitetin e një plani të tillë dhe kanë vlerësuar se nevojiten më shumë të dhëna, raporton Reuters.
Kjo është veçanërisht e rëndësishme në një kohë kur shumë vende po luftojnë për të imunizuar qytetarët e tyre me dozat e para.
“Eshtë zhgënjyese që ata iu afruan vendimit kompleks në mënyrë të njëanshme”, thotë Larry Corey, një virolog në Qendrën e Kancerit Fred Hutchinson në Seattle.
Shqetësimet po rriten për përhapjen e variantit Delta, i cili është më ngjitës se më parë.
Sidoqoftë, disa ekspertë besojnë se një dozë shtesë duhet të miratohet nëse demonstrohet një rritje e konsiderueshme e shtrimeve në spital ose vdekjeve midis individëve të vaksinuar.
“Eshtë një tregues që do të flasë në favor të një doze të tretë”, tha Paul Offit, drejtor i Qendrës së Edukimit të Vaksinave në Spitalin e Fëmijëve të Filadelfias dhe një këshilltar i vaksinave në Administratën e Ushqimit dhe Barnave të SHBA (FDA).
Në Shtetet e Bashkuara, kjo nuk ka ndodhur ende, dhe format e rënda të sëmundjes prekin kryesisht njerëzit e pavaksinuar, tha Offit.
Kompania pret fitime të mëdha
Pas njoftimit të Pfizer të enjten se do të kërkonte miratimin për vaksinimin shtesë, zyrtarët shëndetësorë amerikanë siguruan publikun duke thënë se kushdo që mori të dyja dozat mund të konsiderohej i mbrojtur edhe nga varianti Delta.
CEO i Pfizer, Albert Bourla dhe të tjerët kanë thënë për muaj që vaksinat kundër COVID-19 do të duhet të jenë të rregullta, dhe një skenar i tillë do t’i siguronte kompanisë një fitim për vitet që vijnë.
Kreu i departamentit shkencor të Pfizer, Mikael Dolsten, tha se arsyeja e rënies së fundit në efektivitetin e vaksinave në Izrael është se shumica e njerëzve u vaksinuan në janar ose shkurt.
Ministria Izraelite e Shëndetësisë tha se efikasiteti i parandalimit të infeksioneve, por edhe sëmundjeve simptomatike, ra në 64 përqind në korrik. /tesheshi.com/
