25 nëntori i vitit 2012 do të kujtohet gjatë nga blaugranasit. Në ndeshjen kundër Levantes, trajneri i Barcelonës atë kohë, i ndjeri Tito Vilanova, kishte inkuadruar në lojë 11 futbollistë që kishin dalw nga Akademia e klubit e njohur ndryshe si “La Masia”. Valdes, Montoya, Puyol, Pique, Alba, Xavi, Busquets, Iniesta, Pedro, Messi dhe Fabregas. Krenari dhe mburrje. Por, ku u tretën futbollistët e dalw nga kjo akademi tani pas tri viteve?
25 nëntori i vitit 2012 do të kujtohet gjatë nga blaugranasit. Në ndeshjen kundër Levantes, trajneri i Barcelonës atë kohë, i ndjeri Tito Vilanova, kishte inkuadruar në lojë 11 futbollistë që kishin dalë nga Akademia e klubit e njohur ndryshe si “La Masia”. Valdes, Montoya, Puyol, Pique, Alba, Xavi, Busquets, Iniesta, Pedro, Messi dhe Fabregas. Krenari dhe mburrje. Por, ku u tretën futbollistët e dalë nga kjo akademi tani pas tri viteve?
Gjërat tashmë kanë ndryshuar. Futbollisti i fundit që u largua nga klubi i fëmijërisë është Pedro Rodriguez i cili iu bashkua skuadrës londineze Chelsea. Një largim i cili e konfirmon eksodin e largimeve të futbollistëve të dalë nga akademia e klubit azulgrana, pas Victor Valdes, Martin Montoya, Xavi Hernandez dhe Cesc Fabregas.
Kur kësaj i shtojmë pensionimin e Puyol, mbeten tashmë vetëm katër futbollistë nga 11 sa ishin gjithsej në përbërjen bazë.
Por, këta futbollistë nuk janë largimet e vetme. Bojan, Jonathan dos Santos, Giovani dos Santos, Sanabria, Tello, Deulofeu, Montoya, Adama dhe së fundmi Pedro janë tjerë futbollistë që janë ndarë nga klubi i tyre i fëmijërisë.
Premtime elektorale
Debati rreth akademisë ishte i pranishëm edhe në zgjedhjet elektorale për president të Barcelonës, të cilat i fitoi presidenti aktual Josep Bartomeu. Por, pikërisht nga ai janë bërë largimet e shumta edhe pse ka inkasuar 90 milionë në arkën e klubit. Ai pati premtuar se do vazhdojë organizimin e Akademisë dhe skuadra e parë gjithmonë do furnizohet me lojtarë nga La Masia. /tesheshi.com/
