Premier Liga angleze ka vendosur të ndryshojë logon e saj për sezonin e radhës 2016-2017.
Logoja e re do të zëvendësojë të vjetrën, e cila është krijuar në vitin e largët 1992 dhe ka patur pak ndryshime deri më tani. Ndërkohë, me ardhjen e sponsorit të ri të ligës, bankës Barclays, kampionati ka marrë emrin e saj dhe që prej vitit 2012, edhe skuadra që është shpallur kampione ka përfituar 120 milionë funte.
Kontrata me bankën Barclays do të përfundojë në fundin e këtij sezoni dhe kampionati tani e tutje do të quhet vetëm Premier Liga.
“Kemi vendosur të ndryshojmë logon e ligës, për shkak se kontrata jonë më Barclays përfundon këtë sezon, ndaj kampionati do të quhet Premier Liga dhe do të ketë logon e saj origjinale. Ne do të punojmë për detajet tjera në vazhdim, mirëpo tani kemi dizajnuar formën se si do të duket logoja e re e ligës”, potencoi Richard Masters, menaxher i Ligës Premier. /tesheshi.com/
