Amerikanët mezi po presin eklipsin e madh të diellit, i pari në 99 vitet e fundit. Kjo është arsyeja që miliona njerëz mund të udhëtojnë drejt të ashtuquajturës “zonë eklipsimi”, rreth 112 kilometra të gjerë, shkruan CNN.
“Do të jetë si festivali i Woodstock, por në të gjithë vendin”, ka thënë shkencëtari Alex Young i NASA Goddard Space Flight Center.
Qeveria federale e SHBA e quajti atë si një ngjarje të planifikuar, të pa preçedent në historinë e kohëve të fundit të Shteteve të Bashkuara.
Në SHBA janë mbledhur shumë fotografë profesionistë dhe astronomë amatorë, madje përgjatë bregdetit të Oregonit janë shpërndarë edhe surfistë, me qëllim që të kapin një pamje sa më të mirë të eklipsit diellor.
“Do të ndieni si një shpim me gjilpërë, por edhe disa gjëra krejtësisht të ndryshme, kur eklipsi të arrijë kulmin e tij. Ajo është përshkruar si një përvojë e qetë, emocionuese, shokuese dhe shpirtërore”, thotë Brian Carlstrom,zv. asistent i drejtorit të parqeve kombëtare për menaxhimin e burimeve natyrore dhe shkencë.
Eklipsi fillon sot rreth orës 20:10 sipas kohës sonë lokale. /tesheshi.com/
