Ehud Barak ka qenë i ashpër në kritikat e tij në një intervistë televizive mbi emërimin e Avigdor Lieberman-it si ministës i Mbrojtjes në qeverinë e kryesuar nga Netanyahu.
Ish-kryeministri izraelit ka deklaruar se koalicioni qeverisës aktual, i udhëhequr nga kryeministri Benjamin Netanyahu, po tregon shenja fashizmi.
Lieberman-i i zuri vendin Moshe Ya’alon-it në postin e ministrit të Mbrojtjes, në një lëvizje të Netanyahu-t që synonte ta zgjeronte koalicionin qeverisës.
“Ne me sa duket do të duhet të paguajmë çmimin për këtë emërim,” do të thoshte në këtë intervistë Ehud Barak. “Lutem që ky çmim të mos jetë shumë i lartë.”
Barak mendon se shtetin izraelit e kanë marrë në dorë elementë ekstremistë.
“Ministri i Mbrojtjes në largim, Moshe Ya’alon, ishte viktimë e një spastrimi. Lieberman do të japë në muajt e parë përshtypjen se është i moderuar. Por herët a vonë do të shohim çmimin që duhet të paguajmë.” /tesheshi.com/
