Auto Dak
Auto Dak
Auto Dak

Egjipt: Varre të rralla të zbuluara para mbretërive të Faraonit

Arkeologët egjiptianë që punojnë në Deltën e Nilit kanë zbuluar dhjetëra varre të rralla para-dinastike që datojnë që nga mbretëritë e Faraonit në Egjipt më shumë se 5,000 vjet më parë.

Ata gjithashtu zbuluan varre nga periudha e vonë e Hyksos (1650 deri 1500 pes), kur emigrantët nga Azia Perëndimore pushtuan vendin duke i dhënë fund Mbretërisë së Mesme të Egjiptit.

Gjetjet në provincën Dakalia, në veri të Kajros, mund të hedhin dritë mbi dy periudha të rëndësishme kalimtare në Egjiptin e lashtë, sipas egjiptologëve.

Gjashtëdhjetë e tetë varre datojnë që nga periudha e (qytetit) Voutos (Vouto) e cila filloi rreth 3300 para Krishtit. dhe pesë në periudhën Nakanda II, pak para shfaqjes së dinastisë së parë të Egjiptit rreth vitit 3100 para Krishtit, sipas një njoftimi nga Ministria e Turizmit dhe Antikiteteve.

Gjithashtu, 37 varre vijnë nga koha e Hyksos, të cilët filluan të migronin nga Sinai në Egjipt rreth vitit 1800 para Krishtit.

“Eshtë një varrezë jashtëzakonisht interesante sepse kombinon disa nga periudhat më të hershme në historinë egjiptiane me një periudhë tjetër të rëndësishme, periudhën Yksos,” tha Salima Ikran, një Egjiptolog në Universitetin Amerikan në Kajro.

“Egjiptologët po punojnë për të kuptuar se si egjiptianët dhe Hyksos jetuan së bashku dhe deri në çfarë mase këta të fundit pranuan traditat egjiptiane.”

Varret e Voutos ishin në formë vezake dhe kufomat u vendosën në një pozicion të ulur, tha ministria në një deklaratë.

Disa prej varreve të periudhës Nakanda përmbanin enë cilindrike dhe në formë dardhe.

Varret e Hyksos ishin kryesisht gjysmë-drejtkëndëshe, me kufomat të shtrirë në gjatësi të plotë dhe kokën gjithashtu drejt perëndimit.

“Misioni zbuloi gjithashtu një grup furrash, vatrash, mbetje të themeleve me tulla, enë prej balte, amuleta, veçanërisht brumbuj, disa prej të cilave ishin bërë me gurë gjysëm të çmuar dhe bizhuteritë si vathët,” tha deklarata. /tesheshi.com/

auto pjese dak

Related posts