Arkeologët që punojnë në gërmimet pranë Kajros kanë zbuluar qindra arkivole të lashta egjiptiane dhe statuja bronzi të hyjnive të asaj kohe, njoftoi Ministria egjiptiane e Turizmit dhe Antikiteteve.
Statujat e perëndive(zotave të rremë) Anubis, Amun, Mina, Osiris, Isis, Nefertum, Bastet dhe Hathor u zbuluan në varrezat e Saqqara-s, së bashku me një statujë pa kokë të arkitektit Imhotep që ndërtoi piramidën atje.
Ministria tha se 250 arkivole, 150 statuja bronzi dhe sende të tjera datojnë nga periudha e vonë egjiptiane rreth 500 para Krishtit.
U gjet gjithashtu një instrument muzikor i njohur si asistrum, si dhe një koleksion enësh prej bronzi të përdorura në ritualet për të adhuruar perëndeshën Isis.
Arkivolet prej druri të pikturuara u gjetën të paprekura në varre dhe përmbanin mumie, amuleta dhe kuti druri.
Një arkivol përmbante papirus të ruajtur mirë të shkruar në hieroglife, ndoshta vargje nga Libri i të Vdekurve, dhe u dërgua në laboratorin e Muzeut Egjiptian në Kajro për studim, tha Mostafa Waziri, sekretari i përgjithshëm i Këshillit të Lartë të Antikiteteve.
Reuters gjithashtu thekson se Saqqara, e vendosur në jug të Piramidave të Gizës, ka siguruar zbulime të përhershme arkeologjike në vitet e fundit, dhe gërmimet në zonë kanë vazhduar që nga viti 2018. /tesheshi.com/
