Edi Rama ka shpotitur rëndë kreun e PDIU-së, Shpëtim Idrizi – pa ia përmendur emrin – duke e quajtur një “çam që bën politikë për të ngulur flamurin në tepsi”. Ndodh kjo në një atmosferë të nderë krijuar në Bashkinë e Dibrës, ku eksponentë të partisë së Idrizit ushtruan dhunë brenda institucionit. Ngjarja është parë si një përplasje mes PS-së dhe PBDNJ-së, në të vetmen bashki ku tepsia ekziston akoma si fenomen ndarjeje pushteti.
Komenti i Ramës u bë gjatë një interviste të tij në Real Story të Sokol Ballës në Vizion Plus.
Deklarimi ironik i Ramës është një sinjal se ai po kërkon të pastrojë dhe tepsinë e Dibrës, pra larjen njëherë e mirë të duarve edhe me “LSI-në nr.2”, siç konsiderohet PDIU-ja.
Shpëtim Idrizi, një politikan me origjinë çame, e nisi karrierën politike në PS duke ardhur si ish-Drejtor i Përgjithshëm i Doganave nën qeverisjen e Ramës. Ai e shpërfaqi veten si çam dhe me ideale çame, vetëm kur PS mbeti sërish në opozitë pas zgjedhjeve të 2009, ku pas ikjes nga PS me një mandat të fituar deputeti, krijoi PDIU-në dhe bëri koalicion me Berishën duke marrë disa drejtori të rëndësishme pararrjedhëse, mes tyre dhe Patentat. /tesheshi.com/
