Spanja përsëri do riaktualizojë kërkesën e saj për sovranitet të përbashkët mbi Gjibraltarit pas largimit të Britanisë së Madhe nga Bashkimi Evropian, tha kryeministri Pedro Sanchez, duke shtuar se Madrid ka mbështetjen e BE-së në zgjidhjen e konfliktit 300 vjet e vjetër.
Sanchez beson se qëndrimi i Spanjës në lidhje me Gjibraltarin, një territor britanik që nga viti 1713, do jetë edhe më të fortë pas përfundimit të marrëveshjes për Brexit, sepse sipas tij, politika spanjolle mbron në këtë mënyrë politikat e BE-së.
“Ne do të zgjidhim mosmarrëveshjen që ka ekzistuar për më shumë se 300 vjet”, tha Sanchez.
I pyetur nëse Spanja do të nisë një debat për sovranitet të përbashkët mbi të Gjibraltarit, pasi Britania do e lërë bllokun evropian më 29 mars 2019, Sanches tha se vendi i tij “do të diskutojë të gjitha çështjet.”
Spanja ka përvetësuar prej kohësh sovranitetin mbi Gjibraltarin, banorët e të cilit në një referendum në vitin 2002 refuzuan kërkesën e Madridit, që së bashku me Londrën të kenë sovraniten të përbashkët të atij territori.
Në Gjibraltarin që ka 30,000 banorë, janë vendosur Baza Detare Britanike dhe aeroporti. /tesheshi.com/
