Anija humanitare “Ocean Viking”, e cila mban 104 migrantë të shpëtuar në ujërat e Libisë shtatë ditë më parë, ende po përpiqet të gjejë një strehë të sigurt për ta.
Sipas AP, anija bamirëse franceze “SOS Mediterranee” si dhe “Mjekët pa Kufij”, kërkuan leje nga Italia dhe Malta për të ankoruar migrantët në një nga portet e këtij vendi, por deri më tani nuk ka marrë asnjë përgjigje.
Anija ishte ofruar më parë nga Libia për t’u ankoruar në një port të sigurt, por “SOS Mediterranee” nuk pranoi, duke deklaruar se “asnjë port në Libi nuk mund të konsiderohet i sigurt sipas ligjit ndërkombëtar”.
Qeveria e re italiane lejoi këtë anije në mes të shtatorit që të lundronte drejt portit në ishullin Lampedusa dhe të zbarkonte 82 migrantë, duke ndryshuar kështu politikën e pamëshirshme të dy kabineteve të mëparshme.
Ajo u zotua për një qasje të re për migracionin pas refuzimit të ashpër të anijeve humanitare nga ish-ministri i Brendshëm Matteo Salvini.
Ai argumentoi se Italia tashmë ka shumë përgjegjësi për t’u marrë me problemet e migrantëve afrikanë në Evropë. Anijet që shkelin këto masa janë kërcënuar me konfiskim e gjoba deri në një milion euro. /tesheshi.com/
