Gjigandi saudit i naftës ARAMCO njoftoi në raportin e tij vjetor të biznesit për vitin 2020 se regjistroi një rënie prej 44 përqind të fitimit, në 49 miliardë dollarë, krahasuar me një fitim prej 88.19 miliardë dollarë një vit më parë.
Në të njëjtën kohë, kompania më e madhe shtetërore në Arabinë Saudite njoftoi se e mbajti shumën për pagimin e dividentëve në nivelin e pandryshuar prej 75 miliardë dollarësh.
CEO i ARAMCO-s, Amin Nasser përshkroi 12 muajt e fundit si një nga “vitet më sfiduese”.
Kompania ia atribuoi rënien e përfitimit uljes së çmimeve të naftës bruto dhe uljes së shitjeve, si dhe marzheve më të dobëta në sektorin e rafinimit dhe prodhimit të petrokimikave.
Rënia e vitit të kaluar në fitime ishte pak më e lartë sesa prisnin analistët, të cilët parashikuan se do të arrinte në 48.1 miliardë dollarë, por megjithatë paraqet rezultatin më të mirë krahasuar me çdo kompani publike globalisht.
“Në një nga vitet më sfiduese në historinë e fundit, ARAMCO ka rikonfirmuar një koncept unik të vlerës përmes aftësisë së konsiderueshme financiare dhe operacionale,” tha Nasser në një deklaratë. /tesheshi.com/
