Një drogë eksperimentale, e zhvilluar nga farmacisti britanik AstraZeneca dhe ndërmarrja farmaceutike japoneze Daiichi Sankyo, ka mbajtur të stopuar metastazat e kancerit të gjirit për muaj me radhë tek gratë që u janë shteruar të gjitha opsionet e tjera të trajtimit, u gjet në studimin e parë klinik.
Fjala është për trastuzumab derukstekan, i njohur edhe si DS-8201, i cili më parë i ishte nënshtruar rreth gjashtë trajtimeve, ku mesatarisht nuk kishte përparim të mëtejshëm të kancerit për pak më shumë se 16 muaj.
Jose Baselga, drejtuese e hulumtimit të onkologjisë në AstraZeneca, tha se në këtë grup pacientesh që përdorën mundësi të tjera trajtimi, gjendja zakonisht përkeqësohej, pasi përparimi i kancerit vijojnte në gjashtë muaj.
“Ky është një efekt pozitiv i paparë,” tha Baselga për ilaçin, i cili lidh helme të fuqishme qelizore në antitrupa që frenojnë qelizat e tumorit, duke kursyer qelizat e shëndetshme që do të dëmtohen nga kimioterapia konvencionale.
Studimi, i quajtur DESTINY-Breast01, është i pari nga 28 studime të planifikuar me trastuzumab derukstekan.
Efikasiteti i ilaçit më pas do të testohet në fazat e hershme të tumorit të gjirit, dhe gjithashtu do të ekzaminohet efikasiteti i tij në trajtimin e kancerit të mushkërive dhe stomakut.
“Nëse ky efekt vërehet në këtë fazë të sëmundjes, unë mendoj se ilaçi mund të jetë tepër i dobishëm në pacientët në fazat e hershme”, thotë Baselga. /tesheshi.com/
