Eduard Selami, ka sulmuar sërish Lulzim Bashën.
Pas një fjalimi të ashpër mbajtur në një aktivitet të organizuar nga një institute gjerman, i cili u botua tesheshi.com, Selami ka thelluar akuzat e tij, në një intervistë në studion e “Zërit të Amerikës”.
“Udhëheqja e re e Partisë Demokratike, më ka zhgënjyer mua dhe pjesën më të madhe të partisë që duan ta shikojnë edhe një herë PD-në si parti e shpresës për shqiptarët,” tha Selami.
Duke elaboruar konceptin e tij për lidershipin e opozitës, ish-kryetari i PD-së tha se “Ne kishim një shpresë që përballë kësaj qeverisjeje të keqe Rama-Meta, nga më të këqiat që ka patur vendi, të dilnim me një drejtim tjetër dhe kjo nuk po arrihet”.
Selami tha se partitë politike në Shqipëri janë kthyer në prona personale të drejtuesve të tyre, që nga vendimmarrja e deri te përzgjedhja e politikave.
Deputeti i PD-së theksoi se dekriminalizimi është një lojë.
“Elita politike duhet të kuptojë se është aty në radhë të parë për qytetarët, por ajo e ka shpërduar në këto 25 vjen ëndrrën e shqiptarëve”, e mbylli Selami, intervistën e tij në një media që përcjell qëndrimin e qeverisë së SHBA-së.
/tesheshi.com/
