Përkundër faktit që Serbia po e shton dozën e sfidimit të Kosovës si shtet i pavarur, duke u bërë pengesë serioze e faktorizimit të saj në arenën ndërkombëtare, siç qe mosanëtarësimi në UNESCO, por dhe deklarimet më të fundit për joanetarësim në OKB, Edita Tahiri, ministrja kosovare për Dialog, është shprehur e bindur se Serbia do e njoh Kosovën.
Ajo tha se Serbia e di që do ta njohë pavarësinë e Kosovës para anëtarësimit në BE, pasi është e kushtëzuar me Kapitullin 35 nga Unioni dhe shtoi më pas: “Kapitulli 35 kërkon qartë nga Serbia normalizimin e marrëdhënieve fqinjësore me Kosovën, respektimin e marrëveshjeve të Brukselit, zhbërjen e strukturave paralele të saj në Kosovë dhe në fund të këtij procesi Serbia, për të dëshmuar fqinjësinë e mirë do ta njohë pavarësinë e Kosovës, nëse vërtet aspiron anëtarësimin e vet në BE”.
/tesheshi.com/
