Kryeministri Edi Rama, ka sulmuar egërsisht sërish Akademinë e Shkencave, që e ka akuzuar në mënyrë të fortë se “vazhdon të tundë flamurin sovjetik”.
Asocacioni i Ramës ndaj institucionit që duhet të përgatisë tezat shkencore të Shqipërisë si lidhje e vazhdueshme me Moskën, është një bombë që ja vlen të komentohet, pasi bëhet prej një zyrtari i cili ka akses tek dokumentet primare të Sigurisë kombëtare.
“Ne nuk do të financojmë Akademinë e Shkencave. Ka një keqkuptim të madh pasi është ngritur në hava një akuzë se po i japim dërmën studimeve albanalogjike…Jo. Nuk është e vërtetë. Qendra e Studimeve Albanologjike do të vazhdojë të financohet siç është financuar. Studimet alabanologjike do të mbështeten drejtpërdrejt. Ndërkohë që në kushtetet e reja Akademia Sovjetike e Shekncave do të duhet të hyjë në një proces reforme që nuk diktohet nga shteti. Ndërkohë paratë e shpenzuara kot për rroga dhe shpenzime të pajustifikuara për të tundur flamurin sovjetik mbi çatinë e ASH, edhe 27 vjet pas rënies së komunizmit dhe nuk e di sa vite bëhen nga largimi i sovjetikëve që nuk i morën dot nëndetëset me vete dhe lanë mbi det ASH do të shkojnë për kërkimin shkencor në Universitet.
Do të përfshijmë pas 27 vitesh biblotekat shkencore të universiteteve në rrjetin e shkencës duke garantuar me një fond mbi gjysmë milioni dollarë regjistrimin e universiteteve në gjithë rrjetin e botimeve, studimeve dhe materialeve shkencore për çdo sektor që do të jetë i aksesueshme nga çdo student. Do të finacojmë kruset e anglishtes në bibliotekat e Universiteteve për ti dhënë mundësi pedagogëve dhe studentëve që të marrin kurse anglishteje falas për të përmirësuar gjuhën angleze”, deklaroi Kryeministri Edi Rama.
/tesheshi.com/
