Edi Rama ka shkarkuar të 12 prefektët e qarqeve, duke tentuar siç ka deklaruar që të emërojë në çdo qark nga një figurë “të fortë” që të kthehet në një lloj “kryeministri të vogël”.
Deri tani nuk kanë dalë emrat e perfektëve të rinj, pasi vetë Rama do të dalë që të shpallë strategjinë e re por edhe emrat e tyre.
Mësohet se Rama po gjen një lloj “Qazim Mulleti” modern, pra një drejtues të fortë dhe me kompetenca të mëdha për të qeverisur qarkun.
Si shembull, në Elbasan mësohet jo zyrtarisht se Kryeministri ka emëruar prefekt, gjeneral Maksim Malajn, ish-shefin e Shtabit të Përgjithshëm të Ushtrisë, një shembull ky për të treguar se në një zonë të nxehtë si Elbasani ai po çon prefekt një njeri të ashpër të ligjit.
Është ky modeli i njohur italian i gjeneralit Dalla Ciesa, i cili u dërgua nga qeveria në Siçili për të luftuar mafia-n, por që u vra nga Cosa Nostra.
Prefektët e rinj do të kenë kompetenca të mëdha, që do të thotë do të jenë të plotfuqishmit e Edi Ramës në qark për të zgjidhur gjithçka, që nga vëzhgimi i punës së bashkive, të policisë, shëndetësisë, të gjitha. /tesheshi.com/
